نئير:محطة نوويه ؟؟ محطة نوويه ايه ياعم هى ناقصة ؟
نائر: ايه ياعم مالك فى ايه زى ماتكون سمعت اسم عفريت ولا حاجة؟
نئير: اكتر يعم انته مش بتقول محطة نوويه!!
نائر: اه مالها المحطة النووية؟؟
نئير : يعم كلها مشاكل واشعاع مالها محطات الفحم او البترول؟؟ وبعدين مين قال ان احنا محتاجين نبنى محطة كهربا اصلا؟؟
نائر: من نحية محتاجين فاحنا محتاجين لان فى دراسة بتقول ان معدل استهلاك مصر للطاقة بيزيد كل سنة بنسبة 7 فى المية كل سنة هتغطى الاحتياج ده منين؟؟
نئير: اه بس ماتنساش ان حنا عندنا مخزون عالى جدا من الغاز الطبيعى!!
نائر: ده صحيح بس متنساش ان احنا معتمدين على الغاز الطبيعى فى الاستخدام المنزلى فحنا ممكن نوفر الغاز الطبيعى لاغراض الطبخ والاستخدام المنزلى ونستخدم حاجة تانية لتصنيع الكهربه لان احنا لو اعتمدنا على الغاز فى الاتنين الغاز ده حيخلص بعد من 10-20 سنة وسعتها نعد نزمر بقى!!!
نائر: وبعدين يبنى العالم كله دلوقتى متجه نحو الطاقة النووية لانها اكتر امان من اى مصدر تانى وكمان افضل اقتصاديا من اى مصدر تانى !!
نئير : ايوه يعم بس دى بتملى الدنيا اشعاع وكمان منطقة الضبعة دى منطقة سياحية يعنى السياحة حتضرب على طول الساحل الشمالى كله!!
نائر: اشعاع ايه يعم بس انت مفيش ثقافة خالص كده- دلوقتى فى التصميمات الحديثة للمحطات النووية كمية الاشعاع اللى بتتسرب من المحطة فى حالة التشغيل العادى او حتى فى حالة حدوث حادثة لاقدر الله بيكون اقل من الحد اللى ممكن يضر اى كائن حى
نئير: اهه يعنى فى تسريب وبعدين كمان ماتنساش اللى حصل فى تشرنوبل
نائر:يبنى الاشعاع ده موجود فى كل حتة اشعة الشمس اللى انت بتتعرضلها دى ماهى نوع من الاشعاع بس المهم انك تتعرض لكمية اقل من الكمية اللى ممكن تضرك وبعدين فى دراسة اتعملت قاسو فيها الاشعاع على بعد معين من محطة كهرباء عادية(فحم او بترول) وقاسو كمية الاشعاع على نفس البعد من محطة نوويه لقوه اقل من المحطة العادية!!!
نائر:بالنسبة لتشرنوبل يبنى الحادث ده عمل طفرة فى تصميم المحطات النووية (ربع تكلفة المحطة بتصرف على احتيطات الامان) لحد ما اصبح الان احتمال حدوث حادثة فى محطة نوويه اقل بكتيير من احتمال حدوث حادثة فى اى محطة تانية وبالنسبة للسياحة فمفيش اى ضرر خالص يعنى فى فرنسا فى مواقع مبنى فيها محطات نووية بجانب قرى سياحية وشغالة عادى
2 التعليقات:
حتي الأرض دي عليهاالعين ع العموم في مصلحتنايكون عندنانووية أنابسمع بقي لي كذاسنه عن الموضوع ده ولحددلوقتي مشفتش حتي محطة زي أون ذارن..سلام
ايه الجمال ده الله ينور
إرسال تعليق