الأحد، 27 يونيو، 2010

لو مش بنحب بعض، إستحالة نحب مصر ونغيرها!!



أنتشر الحقد والغل والكره فيما بين المصريين في السنوات الطويلة الماضية منذ أيام الخمسينيات. أصبح المصري يحارب المصري في ورزقه وفي حياته.


ولو واحد يملك أنه يساعد شاب في أول طريق حياته، مش بيساعده، لأنه خايف منه!!


 خايف لحسان يكبر ويبقى أفضل منه! لأنه مش واثق في نفسه.

عايزين نحب بعض، 

علشان نحب مصر.

عايزين نقضي على الغل اللي بنا.

عايزين نساعد الشباب ونساعد بعض.

علشان نغير أي حاجة، لازم نغير سلوكنا كمان.

لازم نبطل نتهم غيرنا بالعمالة والخيانة وأنه بيقبض ومش عارف أيه
نفسنا نحب بعض.


إستحالة نحب بلدنا ونعليها لو مش بنحب بعض.
 

 يا ريت نحب بعض ويكون نقدنا لبعض على أساس غير مبالغ فيه.


يا ريت نساعد بعض على المستوى "القاعدي" بعيدا عن السلطة.


يا ريت لو سمحتم نبقى عندنا ثقة في نفسنا أكثر.


 ما هو اللي مش بيساعد غيره، وهو يقدر، يبقى خايف لحسان غيره ينافسه.. رغم أن المنافسة مفروض أنها تكون شريفة.
 
 أللي عايز يغير لازم يغير السلوك كمان

 
لأني متصور أنه حتى لو الديمقراطية حصلت النهاردة كاملة، حتبقى حبر على ورق، ما لم تتغير سلوكيتنا.


يا ريت نقف مع بعض، ونحترم بعض رغم الإختلاف.
 

 ممكن...؟


7 التعليقات:

غاوي مشاكل يقول...

كلامك بجد جميل وراااااائع
جزاك الله خيرااااااا

زهرة الإسلام يقول...

السلام عليكم
كلامك صحيح بنسبة كبيرة
لكن الحمد لله ، لسه في ناس فيها خير ، وممكن نغير سلوكياتنا ونكون أفضل لأن زي ما قال سيدنا رسول الله : " الخير في وفي أمتي إلى قيام الساعة "
صدق رسول الله صلى الله عليه وسلم




الموضوعات التي تعرض بالمدونة رائعة ،
نصيحة ترك فترة كافية بين كل موضوع والذي يليه حتى نتمكن من متابعة المدونة والانتفاع بها
جزاكم الله خيرا ونفع الله بكم

مدونه ما كفايه بقى يقول...

سلامو عليكم

كلامك فكرنى بكلام دكتورتى العزيزه فى الكليه

كلامك مشابه لها كتير

ربنا يمسيها بالخير

المصلحه بقت السايده دلوقتى
فعلا مفيش حب وود

اللى بيحب بجد بيقولوا عليه طيب وعلى نياته و( اهبل)

زيى كده بدون اى فخر

تحياتى

إبن مصر يقول...

جزانا الله واياك

إبن مصر يقول...

نصيحتك وصلت يزهره الاسلام وحزاكى الله خيرأ على المشاركه

راجية الرحمه يقول...

فعلا محتاجين اننا نحب بعض شويه
فى الدول العربيه سمعتنا سيئه فيها بسبب الموضوع ده ان المصريين ممكن يخسروا بعض علشان الشغل


مدونه حضرتك بجد رائعــــه ماشاء الله
ربنا يزيدك

إبن مصر يقول...

كلامك صح وجزاكى الله خيرأ على مشاركتك وياريت متكونشى اخر مره

إرسال تعليق