اعرف راسك من رجليك لو عايز تشتغل محاسب فى الخليج

السلام عليكم ...

انهارده انا هبدأ معاكم  تجربة السفر الى السعوديه عشان اخوتنا الى نفسهم ياسافروا

اعرفكم بنفسى المحاسب العصرى وبلاش اسمى عشان هتبهدل بعد الموضع

انهارده دعوه للتفأول يعنى شوية لازم نبتسم عشان خلاص الاكتئاب خد من كتير

اول شئ شوية حجات لازم نعملها كلنا بعد التخرج ويسلام لو كانت فى الدراسه

1- لازم تخلى بالك من اللغه اكتر من المحاسبه هتقولى ليه هقولك كدا كدا هتتعلم فى الشغل
2- ان شاء الله كدا بما انك مقضيها بره المحاضرات لازم تروح تاخد كورس محاسبه فى مكتب محترم
ودا بيكون تلات شهور وبيعلمك من اول قيود اليوميه لحد الميزانيه
3- الكمبيوتر طبعا انتم من كتر الياهو والفيس بوك بسم الله لازم تروح تاخد icdl وسهله جدا
وكل كتبها موجود ه وركز على اكسل

يعنى انجليزى( انا بشتغل مع محاسبين اجانب خلى بالكم من اللغه ) .... محاسبه......icdl

'طبعا انا بعد التخرج عملت كدا بس الانجليزى مش كويس فيه

نصحيه اخيره:
فاكرين كتاب المحاسبه الماليه بتاع سنه اولى سهل وحلو وابن حلال وخد بالك منه عشان تتعلم ياعم الامور

نصيحه تانيه :
المنتدى الغالى فيه كل شئ عن المحاسبه ومعتقدش اننا سبنا شئ مش اتكلمنا فيه

المهم اتخرجت وشوفت الجيش وبدور على شغل نجيب الشغل ازاى

1- جريده الاهرام يوم الجمعه روح ادفع الجنيه ونص وامرك الى الله وامسك قلم واى اعلان طالب محاسب
تتصل بيهم حتى لو مش طالب حد يث التخرج اتصل يمكن تيجى معاك
2- جريده الوسيط ببلاش روح هتها
3- مواقع التوظيف فيها اعلانات لشركات مصر

4- روح اتمشى فى المنطقه الصناعيه فى 6 اكتوبر والعاشر من رمضان ارمى السى فى بتاعك فى كل شركه او مصنع

انا اشتغلت فى شركه فى 6 اكتوبر شهرين او تلانه وكانت تجربه كويسه جدا بس قدمت الاستقاله عشان بدل مكنت محاسب نقالونى شئون عاملين وروحت قاعد فى البيت

نيجى للسفر للسعوديه

اما انك تسافر عن طريق مكتب سفريات عامل اعلان طالبين محاسبين للسعوديه
وخلى بالك هيجى يقول الراتب 2000 ريال مثلا وتيجى السعوديه تلاقى الكلام
بقا فى الضياع ويعمل معاك عقد على 1500 فخلى بالك يابن الناس

حاله خاصه لصديق اوكى كمثال:
صحى اخونا محمد راح القاهره نزل المكتب لقى المكتب مفيش بعد كدا عامله البحر طحينه وقاله ادفع 6000 ريال
وهشغلك محاسب ب 2000 ريال فى الشهر والراجل سافر وراح لقى الكافيل صاحب المؤسسه الى هيشتغل فيها محاسب قاله لا هو 1000 ريال عجبك ولا لا طبعا الراجل قال خربت هرجع بفضحتى لمصر خلينى قاعد عبل متفرج
بقاله سنه على نفس الراتب وكلنا ندعيله

ودى حاله بس فىحالات ناجحه كتير

الطريقه التانيه

تشوف فيزا حره يعنى اية
حسب منا فاهم ومجرب يعنى هتسافر السعوديه على كافيل يسيب تشتغل فى اى مكان انت عايزه
طيب سوال غريب الراجل هيعمل كدا لوجه الله لا طبعا

مثال مش على حد غريب عليا

انا اشتريت فيزا حره على 10000 ريال يعنى 14000 مصر
والمهنه الى فيها كهربائى
هيرد عليا حد يقول ياعم الرقم كبير اقوله الى راح يتعوض
السوال التانى ؟ كهربائى انت بتهزر

اقوله كل زمايلك المحاسبين 99 فى المايه منهم لو شوفت جواز السفر اما كهربائى او عامل او اى مهنه تانيه عشان
مهنه محاسب اتسعودت

وزى الشاطر هتروح تغير المهنه فى البطاقه بدل بكالوريس هتخليها زى المهنه الى جاتلك عشان تغير جواز السفر

احسن شئ تدور عليه فيزة عامل اكوررها عامل

السوال واحد يقول طب ليه بقا؟
اقوله العامل يشتغل فى اى مؤسسه هل فى شركه فى الدنيا مفهاش عمال
لكن لو روحت جبت فيزا عامل زراعى يبقى قفلتها عشان نفترض الشركه الى هتروح تقدم ليه مقاولات هينفع ازاى

خلاصه القول

هتسافر وهتدفع 1000 ريال تامين و 1000 اقامه دى زى البطاقه كدا

والكافيل هيقولك هسيبك اول سنه مش هاخد منك اى فلوس لحد متلاقى الشركه تقدم فيها وتنقل كفاله

الفيزا الحره يعنى انت الى هتروح هناك وندور على شغل

ونرجع ونقول الطريقتين كويسين ومش كل المكاتب نصابه اكرر مش كل المكاتب نصابه

انجز ياعم ولخص:

مرتبات المحاسبين فى السعوديه بتبدأ من

فى محاسب بياخد 1500
وفى محاسب بياخد 4000

ايه ياعم الفرق دا طيب انا عايز ابو 4000

السعوديه فى مؤسسات رأس مالها من 20000 الى 300000
هل تتوقع تاخد منه اكتر من2000 ريال لا طبعا

فى شركات تانيه رأس مالها 50مليون و100 مليون الشركه الى انا فيها رأس مالها 200مليون ريال
يعنى مرتبك مش هيقل من 3000 ولو استغلت اوفر تايم ساعتين بعد الشغل تجبلك الف كمان حلو

موصفات السفر الناجح ( دى احسن شئ ومش ضرورى يعنى يكون سفرك كدا بس انا حبيت اكتب احسن شئ )

1- مرتبك يكون من 2500 ل 4000 ثابت والى جاى زياده
2- السكن يكون على الشركه ياقمر او يدك بدل سكن
3- الموصلات على حسابهم او ينزلك بند بدل مواصلات او باص الشركه ياخدك كل يوم
4- تذكره لام الدنيا كل سنه طيران ياحلو مش يروحك مصر فى عباره تغرق فاكرين طبعا
ولازم يديك بدل اجازه يكون 10 فى المايه حد ادنى من الراتب
5- يسلام بقا لو عاملك مصاريف عامه 10 فى المايه يعنى الشركات المحترمه بتكون عملها بدل الاكل يعنى حسب فهمى

6- اى شركه كبيره بتعمل ساعتين اوفر تايم يعنى اقسم الراتب لو3000 على 30 يوم وبعد كدا اليوم فيه كام ساعه
يعنى ممكن تاخد الف ريال بس هتقدر كل يوم تشتغل ساعتين بعد الشغل ياجبروتك يااخى

7 - هتروح الشغل الساعه8 وتروح 2 وترجع بليل الشركه من 5 الى 7 ولو مستحمل تا خد ساعتين

ملحوظه انا بروح المكتب 6.30 و بروح الساعه 3 ونص وبعد كدا اوفر تايم لو عايز اكمل

الشركات الكبيره فى السعوديه معروفه فى المقاولات مجموعه بن لادن والسيارات عبداللطيف جميل وغيرهم

مصاريفك فى السعوديه
يعنى من 500 ريال الى 700 وانت يعنى مش لازم تحب البت فى الموبيل وفاكر نفسك طول الليل
ماله النت زى الفل وخليك امور واشترى واعمل الاكل فى البيت وبلاش اكل من بره
اشترى ديما من ماركت بنده ولو عايز تجيب لبس لو فى جده روح محلات شبيرا ولو فى الرياض
انزل منطقه البطحه اى خدمه

اوعى تيجى السعوديه على اقل من 2000 ريال دا بالميت
اوعى تتنيل على عمرك ويضحك عليك ومش يوفر ليك سكن او بدل سكن
مؤسسه او شركه لازم سكن ياامور على حسبها

خليك طموح وبلاش اليأس وعايزكم تسالونى ومفيش مشاكل لو هتسخروا من الموضوع
بس اهو بحاول افيد

واى محاسب بره مصر عايز يساعد الناس ياريت يدخل يتناقش معانا او يعمل موضوع