الخميس، 29 أبريل، 2010

مقابله شخصيه بين محاسب حديث التخرج ومسئول في شركة كبيره


المتقدم اسمه احمد رجب

والشركة هى شركة الزاهد

وهتعرفوا فى الاخر الوسطة ولا التقدير ولا الدورات ال بتنفع

احمد دخل المكتب: وقال السلام عليكم

المسؤل رد: وعليكم السلام ازيك يا أحمد اتفضل اقعد ..

المهم قعد أحمد على الكرسى

المسؤل بدا يسال أحمد عدة اسئلة منها مايلى

المسئول :انت اشتغلت قبل كدا ولا دى اول مرة ؟

أحمد :لا يا باشا انا لس متخرج السنه دى

المسؤل: يعنى انت لس فاكر كل حاجة عن المحاسبة ؟

أحمد :هههههههههههه يا باشا انا لى خمس شهور مبصتش فى كتاب واحد عشان كنت مشغول فى ورق الجيش

المسؤل : اه المهم يا أحمد تعرف ايه عن المحاسبة ؟

أحمد : اهه

المسؤل : تعرف ايه عن المحاسبة ؟

أحمد : المحاسبة عبارة عن علم منظم يقع تحت مجموعة من القوانين والمعاير

المسؤل : اجابة ناقصة طب يا أحمد على اى اساس ترتب الاصول فى الميزانيه ؟

أحمد : على اساس درجة السيولة

المسؤل : طب وعلى اى اساس ترتب الالتزمات ؟

أحمد : اهه ؟

المسؤل : ماشى يا أحمد

المسؤل : ازاى يا أحمد افرق بين الصول المتداول والثابتة ؟

أحمد : اهه؟

المسؤل : طب يعنى ايه السحب على المكشوف ؟

أحمد : هههههههههههههههه حضرتك بتسالنى اسالة صعبة

المسؤل : هههههههههههههه طب ياأخ أحمد ايه هى معادلة الميزانيه؟

أحمد : معادلة الميزانيه هى الاصول بتساوى الالتزمات + حقوق الملكيه

المسؤل : ايه فايدة ق التدفقات النقدية ؟

أحمد : معرفش

المسؤل: تقديرك ايه يا أحمد؟

أحمد : جيد مرتفع يا باشا

المسؤل : مهو باين هههههه انت واخد دورات ايه يا أحمد؟

أحمد : انا واخد دورة ال dsl

المسؤل : هههههههههههههه تقصد icdl ؟

أحمد : ايوه هى دى انا دايما بتلخبط بينهم

المسؤل : ماشى يا أحمد انت يا أحمد لولا انك متوصى عليك والله انا مكنت قبلتك بس حكم القوى على الضعيف


حسبى الله ونعم الوكيل فى اللي علموك يا أحمد




المهم يا جماعة أحمد دلوقت اتعين فى قسم المشتريات وبيقبض اكثر من الف جنيه

لكن للاسف الواسطه بتاعت أحمد بعد سنه بالظبط طلع علي المعاش

وأحمد طبعا لسه بطيخ واول حاجه عملتها الشركه عطوه استماره سته


ايه رايكو انتو الواسطة ولا التقدير ولا الدورات ال بتنفع؟

ان كان هناك تشابه في احداث القصه مع ما تم في مقابله مع حضارتكم فانا اخلي مسئوليتي من ذلك

ولا اقصد بها اي احد ولكن ما قصدته هو النصيحه بالاجتهاد بطريقه هزليه

1 التعليقات:

كليوباترا يقول...

المشكله ف التعليم دلوقتى اللى بيتعلم مش غرضه العلم غرضه الشهاده ال هتوصله للشغل والتعليم نظام سيىء ف مصر محتاج تعديل ومعظم الطلبه مع تقديراتهم بتكون بالغش طبعا مش كلهم عموما طريقتك جميله ف عرض النصيحه جهد مشكور عليه

إرسال تعليق