الخميس، 20 يناير، 2011

مشاركه الاخوان في وقفه 25 يناير بين مؤيد ومعارض




 

الناس اللى بتتكلم عن قرار الاخوان

فى عدم المشاركة فيما يسمى ثورة25 يناير اقول
 
اولا /مين اصلا كان واضع فى مخيلته ان الاخوان

ممكن يشاركوا
 
ثانيا / بالنسبة لشباب الاخوان اللى عايز يشارك 

الاخوان فتحوا ليك الباب عايز تشارك شارك 

واللا هتعملها حجه وتقول بركة ياجامع 

إخوان كمؤسسه تنظيميه اخر ما تفكر به ان تقوم

بعمل ثورة كما حدثت في تونس ,
 
 لان عندها ستقتل الثورة في مهدها

ولا استبعد ان تباد كما حدث في حماه بسوريا

والمبرر واضح وجاهز الإسلاميين يسعون 

لقلب نظام الحكم

حتي وإن كانو عل...ي حق فهم إسلاميين والغرب والعالم 

كله متخوف منهم الإخوان لن ينزلو للشارع وحدهم
 
ودورهم ليس النزول للشارع والثورة

وإحداث تغيير في الواقع
 
دور الإخوان توعوي وإستنهاضي للشعب لكي يثور ويعرف حقوقه
 
ووالله لو ثار وعرفه حقوقة وفكر ان ينزل حقا وصدقا للشارع

فستري الإخوان في كتفه بإسمهم كإخوان 

وكمواطنين مصريين
 
اهم شئ ان تكون الثورة شعبيه بحق
 
لكي لا يباد الإخوان وهذا حقهم
 
ولكي لا يقال ثورة الإسلاميين ويشتد القمع في مصر

ويغلق اي منفذ يسمح بالتغيير للشعب فيما بعد

لي ارائي ولكم ارائكم والدنيا ظلال واضواء


8 التعليقات:

هبة فاروق يقول...

انا معاك يا اخى مدفعجى ان الثورة تبقى شعبية
مش ثورة اسلامية والله ما ناقصين قمع ولا غلق
عايزين حرية للشعب
تحياتى

المصوراتي يقول...

25 يناير

مفهوش اعلام و انتماءات و تيارات و احزاب و رايات

لا غد و لا اخوان و لا وفد و لا شيوعي حتي

25 يناير مصر

ارجوك تحدث في هذه النقطه الان
و انا عن فكر الاخوان في مثل الامور مش فتهم و لولا انشغالي في الامتحانات كنت بحث لماذا لم يعلن الاخوان حقا الانضمام الي الشعب في هذا اليوم

اظن علي الاقل لان الاخوان منظمين اوي
و عرفين كل خطوة بيعملوها كويس
و هم ايضا بشر لو اخطئوا

و متوقعين اداء ضعيف في هذا اليوم
فلم يشاركوا

مش عارف بس الامر محير
انا نازل بقول الكاميرا سلاحي
و عندي امتحان يوم 27 :)

دعواتك

ّابن مصر يقول...

موضوع حلو ومقدرشى اقول حاجه عنه

لى ارائى ولكم ارائكم والدنيا ظلال واضواء

شمس النهار يقول...

اهو موضوع 25 يناير ده عامل زي موضوع تامر ووائل اللي جالي علي الميل ونشرته عندي في بوست انت قريته؟؟

في حد بياخد معاد ثورة
:))

وبعدين ده عيد الشرطة يعني هينكدوا علي الشرطة في عيد ميلادها

وزمان قالوا اللي بيعمل ما بيقولشي واللي بيقول مابيعملشي

غير معرف يقول...

اة هو انت طلعت اخوانجى

ماجد القاضي يقول...

السلام عليكم

مؤيدك في اسباب عدم المشاركة...
ومقتنع بها...
وجميل ردك على من اراد من الشباب النزول...

وبالمناسبة كلمة شمس النهار طرقت ذهني فعلا من قبل: "في حد بياخد معاد ثورة"؟!

وإن لم يكن المقصود من الخروج ثورة، فما الأهداف المعلنة تحديدا للموضوع؟ وما التخطيط الموضوع بالضبط؟ ومن واضعه؟!!!!

الأمور لا تؤخذ بهذه العشوائية والعاطفية.. ليس لشيء إلا أنها يمكن اختراقها بسهولة وبالتالي يمكن ضربها بسهولة أكبر!!!!!

تحياتي على إثارة الموضوع.

مدونه ما كفايه بقى يقول...

والله عندك حق

كده الامور وضحتلى خالص

أعتذر عن الانقطاع لكن للامتحانات احكام

أرجو زياره مدونتى والدعاء لى فأنا فى أمس الحاجه اليه

ّابن مصر يقول...

يارب تنجح يتتح

إرسال تعليق