الأربعاء، 25 أغسطس، 2010

عندى عاده نفسى اتخلص منها

الاوهى قراءه الجرايد ....وللاسف هى اليومين دول عاده سيئه جدا ....وانصح بالاقلاع عنها 


لان لها اثار مدمره على صحه الجهاز العصبى 
دى بقى مجموعه من العناوين اتنشرت فى اقل من شهر 


بتوضح مدى الابداع والعبقريه ..اللى احنا بنعيش فى ظلها 


الاخبار دى بتقول ايه بقى ....


عجبنى     عجبنى اوى اوى اسم الوزاره ....واضح جدا انها بتعمل شغل تمام .....لا وواضح ان جناب سياده وزير التميه الاقتصاديه .......مستوى ذكاؤه يليق بالوزاره المهمه دى ......بيقول مفيش زياده قبل الانتخابات .......يعنى فيه بعدها 




  باحسده على ثقته فى نفسه وفينا ....بس واضح انه مالى ايده مننا اوى 




!!!!!!!!!!!!! لا تعليق









الوطني ينفي نوم شباب الحزب أثناء لقاء مع صفوت الشريف! 


طيب وفيها ايه يعنى لما يناموا لهم شويه .....عادى يعنى دول ممكن يناموا لهم عشرين تلاتين سنه ولايفوتهم اى حاجه ...هيصحوا يلاقوا كل حاجه زى ماه






محافظ القاهرة يشترط الحصول على تراخيص لتعليق زينة رمضان!!!!!!!!!!!!


قال يعنى زينه رمضان هى اللى منعها هيوفر كهربا مصر



عجبتنى اوووووى يلهثون دى ......هما اللى قالوا ؛))




وعلشان الناس دول ربنا يخليهم لنا ويبدعوا كمان وكمان.......... بيتعبوا اوى ومش مقصرين 




دى بقى كانت نتيجه مجهوداتهم الجباره وتعبهم وسهرهم الليالى علشاننا 




كفايه كده عليا وعليكم تجنبا لامراض القلب والضغط والسكر

ملحوووووووووووووظه
 عنوان البوست مالوش اى دلالات .....باهيس من نفسى اشمعنى هما يعنى

7 التعليقات:

راجية الرحمه يقول...

والله حضرتك عندك حق
انا اتخلصت من عاده دمان برامج الجزيره والعاشره مساء والحاجات دى كلها
وبرغم اللى بيحصلى من الجرايد لكن اهى اقل ضرر من البرامج
دمت بكل خير استاذى الفاضل

Rosie يقول...

مش عارفة ليه جالى إحساس اول ما فتحت المدونة إنها المصرى اليوم شكلك مش بس بتقرأ الجرايد لأ متأثر بيها جدا جدا..أنا شايفة إن قراءة الجرائد عادة كويسة بغض النظر إنك أى جريدة حكومية تقراها تحس أن الحياة بمبى فى بمبى و أى جريدة مستقلة تحسسك أن الحياة مفيش فى سؤهااتنين..لكن قراءة الجرايد مفيدة لحد كبير..تحس أنك عايش فى الدنيا و عارف أيه اللى بيحصل حواليك غير المعلومات و الاستفادة..أما بالنسبة للتصريحات...مش عارفة أنقى مين أكتر تصريح مستفز بتاعة يلهثون و لا التوقيت اللى كل شوية يلعبوا فيه..يالا ربنا يهدى..أتمنى أن أعرف تعليقاتك فى مدونتى..

mrmr يقول...

هههههههههههههههه

آآآآآآه يااااا ناااافوخى

على راى حسن عابدين الله يرحمه

الشاعر الفنان أحمد فتحى فؤاد يقول...

ربنا يجعل كلامنا خفيف عليهم

و لنا الله يا أخى العزيز

تحياتى

دموع القمر يقول...

هههههههههههه

دموع القمر يقول...

الو الو الو
حول هل تسمعنى
نزلت حلقه جديدة من قلوب بلامرسى
هستنى تعليقك

الــحــــنـــــــــــــــــــين يقول...

ازيك يا معارضه صباح الخير مدونة جميله واحلى حاجه فيها البساطه والشمول انا نفسى اكون زيك

إرسال تعليق