الأحد، 29 أغسطس 2010

وحيد حامد ومسلسل الجماعة كلاكيت تاني مرة


 

 

 وحيد حامد أرغي وأزبد بعد غرق العبارة السلام واقسم بأغلظ الايمان ليعمل فيلم عن غرق العبارة وعن موت المصريين الغلابة وانه سيسافر بحرا للسعودية ليتعايش جو السفر ثم لا شيئ ؟ لماذا ؟

http://abrokenheart.maktoobblog.com/596879/وحيد-حامد-لـالرياض-سافرت-إلى-السعودي/

(( وقال إن هناك ضغوطاً تعرَّض لها حتى لا يكتب هذا العمل ومن جهات رسمية ولكني لا أخضع في سبيل خروج عمل فني سينمائي يكشف حقيقة ما حدث.))

ثم هدي (( بضم الهاء )) الرجل للكتابة عن الجماعة , اللي مالهمش غير ربنا
لكن ما اعجبني هي إشادة من السيدة نوارة احمد فؤاد نجم بمقطع جاء في المسلسل فتقول

http://tahyyes.blogspot.com/2010/08/blog-post_13.html

والله وباضت لك في القفص يا اوووسااااااااااااا
والنبي الاخوان دول قلبهم ابيض ونيتهم صافية وولاد حلال، والا ما كانش ربنا يكافئهم على صبرهم ويستجيب دعاهم ويخلي وحيد حامض يكتب مسلسل ضدهم ويحبب الناس فيهم

مشيم مشيم.. اللي هي الحركة اللي بالبق دي.. ايوة يا عم ايوة يا عم.. والله فرحت لكوا، الف الف مبروك والله.. ده انا قاعدة دلوقت قدام مشهد ابو واحد قدام مرشد الجماعة.. الحوار كده:
المرشد: ابنك مش عضو في الجماعة يا استاذ عبد الحميد، ابنك محب للجماعة
الاب (واكرر.. الاب): محب ومش عضو يقوم يشترك في عرض عسكري ويلعب كراتيه؟ امال لو كان عضو كان دخل حرب؟

(هههههههههههه الراجل بيبلغ عن ابنه)

وبعدين الاب قال: طب انا عايز اسأل حضرتك، الابن اللي يخرج عن طوع ابوه يبقى ايه في الشرع؟
المرشد: ابنك عنده كام سنة؟
الاب: واحد وعشرين سنة

المرشد: يبقى مسئول عن نفسه وعن افكاره، وانت مسئول عن نفسك وعن افكارك
الاب: ده رأي حضرتك
المرشد: ده رأي الشرع، وقانون البلد اللي انت فيها
الاب: ماهي بلدنا كلنا وماحدش فيها يرضى ان ابن يخرج عن طوع ابوه ويخيب امله فيه
المرشد: انت خاب املك في ابنك؟
الاب: الاب اللي ابنه في السجن لازم يخيب امله في ابنه
المرشد: ابنك في السجن مش عشان ارتكب جريمة ولا جناية، ده مسجون في قضية رأي، وله الشرف
الاب: ده انت ناقص تقول لي انه لو مات حيموت شهيد
المرشد: ماهو كده فعلا.. احنا ناس عاديين وبسطاء، صحيح محظورين، بس اللي يستاهل الحظر هو اللي بينشر الفساد

———-
انا لو من امن الدولة اقبض على وحيد حامض بتهمة الترويج لجماعة محظورة.. الدروس المستفادة من الحوار ده ان الاخوان اجدع ناس والاب ده ابن كلب بيشتغل في امن الدولة وراجل متخلف ورجعي وقمعي.. قال طوع ابوه قال، والمفروض اني اتعاطف؟

0 التعليقات:

إرسال تعليق