موضوع للفاشلين فقط ممنوع دخول الناجحين

صدقنى هايكون فيه حاجة ممكن تفتحلك ولو شعاع نور صغير فا ماتقفلوش.

كانوا بيقولوا ان الفشل اول طريق النجاح ودا عرفته بعدين وانت كمان طول ماانت ماشىمعانا هاتعرف ان دا كلام صحيح دا مش بس كلام.

 ندخل في الموضوع علاطول.

  

"ياترى انت نفسك فى ايه قول واحنا نحققلك احلامك"

لو حد قالك الكلام دا ممكن تصدقه؟
وليه لاء؟
 
طبعا انت بتقول انا فاشل 
 
بس انا باقولك ياراجل لا بلاش الكلام اى نعم احنا كلنا عارفين دا بس بلاش تصدم نفسك

 بيقول محمد مسعودى في كتابه" كن ايجابيا" :

"ابحث عن التغيير الايجابى داخل ذاتك لماذا تقبع في مكانك لماذا ترضى ان تسير مع او خلف هذا الجموع مطئطىء الرؤس دون ان يكون لك وجود .....عليك ان تؤمن انك تملك طاقات ابداعية فعالة تستطيع ان تحقق من خلالها الكثير من الانجازات الرائعة"

 هو مستحيل انك تحقق احلامك انت شايفها كدا صح..؟

انا عارف ان مافيش اى كلام هاينفع ويخليك تغير موقفك انا عارف ياعم ومجرب
مافيش شغل ولا فى فلوس ولا فى اى حاجة تدعو للتفائل ولا تنمية بشرية ولابرمجة لغوية ولا اى جنى حتى يقدر يخرجنا من الحالة المنيلة دى انا مجرب انت هاتقولى.

 

 بس في حاجة اخيره ممكن نعملها وليه لاء مادام هيه كدا كدا مافيهاش عمار ولافيها فايدة مش هاتفرق لما نجرب حاجة اخيرة.

هاتقولى هانفشل هاقولك ايه الجديد ياعم يعنى احنا دلوقتى ناجحين ما هو احنا مبلطين في الفشل يعنى مش هانخسر حاجة لما نجرب.

طبعا هاتسالنى وتقولى نجرب ايه؟
هاوقلك مش عارف بس يلا نشوف

فى واحد بيدرس فى علم النفس فا واحد سأله عن سر النجاح وازاى انجح في انى الاقى شغل او انجح في الدراسة او الناس اللى بتنجح في حياتهم وعلاقاتهم بيعملوا ايه.

فا رد عليه وقاله:

" بص يامان انا مش هارغى كتير بس شوف اللى نجحوا نجحوا ازاى واتعلم منهم اى باللغة الفصحى والكلام الكبير صغ من كل نجاح قوانين عامة لكى تصل بك الى المراد "

  

ولكن عاوزين نحط شوية قوانين هنا :

1-اذا كان هناك امامك تل تريد ان تتسلقه فلا تظن ان الانتظار سيجعله ينخفض لك او يصبح حجمه اقل ابدا من الان ولا تنتظر فالوقت لاينتظر احد

 

2 -لاجدوى من قولك انا ابذل قصارى جهدى عليك ان تنجح في فعل ماهو لازم "تشرشل" ما تبررش فشلك اعرف انت غلطت في ايه وحاول تانى وتالت لحد ماتنجح

3-من لايهوى صعود الجبال...... يعيش ابد الدهر بين الحفر

4- لاتخف من الوصول الى الكمال فلن تصل اليه ابدا يعنى لو انت قلت انا عملت اللى عليه كدا اهو دا انا كدا رضا والفشل مش منى يبقى انت غلطان راجع تصرفاتك شوف افعالك فعلا توصلك للى انت عاوزه ولا لا يعنى

 طول ما انت متوكل على الله وبتعمل وبتتقن عملك وبتحسن الظن بالله صدقنى هاتلاقى كل الخير

نلتقى ان شاء الله في المرة الجاية