السبت، 8 يناير 2011

امتحان الثانويه العامه 2011 كومديا ساخره حتموتك من الضحك حتندم لو مدخلتش



  

السؤال الأول: التعبير


اكتب ما لايقلعن 650 سطر فى أحد الموضوعات التالية

لم يجد الطفل غير الشارع ملجأ نظرالحالة البلد الهباب

..فاتجه إلى السرقة والقتل والحشيش..

حتى نال جزاءه وقبض عليه متلبسا بباكتة بانجو

.. اكتب قصته مع تسليم الحِرز للباشا مراقب اللجنة

 



شهدت بلدنا الحبيبة نهضة فى مجال التشييد والبناء

وخصوصا بعد وصول سعر الحديد إلى 6500 جنيه للطن

.. اكتب ما يمليه عليك ضميرك على أن يبدأ 

موضوعك بعبارة أنا باشتغل فى حديد عز

 



بعد انتشار ظاهرة أكل لحم الكلاب والحمير

..من وجهة نظرك كحمار تكلم عن هذه الظاهرة 

ومن المتسبب فيها بدون غلط..الورق متراقب


ــــــــــــــــــــــــــــــــــــــــــــــــــ
السؤال الثانى: القصة

من قصة " وعهد الله ما انت داخل الانتخابات"

.. اقرأ القطعة وأجب عن الآتى:

(ثم أتى إليه وضربه بالجزمةوقال:

انت عايز تترشح فى الانتخابات يامعفن؟؟

دانت عايز معجزة..مش كفاية بتاكلوا لحمة ومستورين

.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها

2-مرادف معجزة فى اللغة

( تغيير وزارى – زيادة المرتبات – رغيف العيش) 

اختر يا مقلول البخت

3-لماذا ضربه الرجل بالجزمة وليس بالعصى مثلا؟؟
 
(أهو كسل .. لسة هيرفع العصاية؟ -

عشان العصاية قلة قيمة برضه واحنا فى عصر الديمقراطية

– عشان العصاية شغالة بس مش فى الضرب..

افهمها انت بقى) اختر

4-حلل بمزيد من التفصيل جملة ضربه بالجزمة

ومدى توافقهامع جملة مصر بتتقدم بينا

ــــــــــــــــــــــــــــــــــــــــــــــــــ
السؤال الثالث النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. 

جربت فى عز ما تحزن تمشى ف شوارعها وتشكى لها)


1-بعد رغبة صاحبة النص فى أن تلد

ابنتها فى أمريكا لتحصل على الجنسية الأمريكية

..اختر..ما المقصود بنيلهافى النص؟

(المسيسبى - الأمازون – يونج يانج)

2-هذا النص من نصوص الحزب الوطنى

والدليل وجود اسم مهم من قيادات الحزب فى النص
 
.استخرج الاسم 3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع

..وضح من النص ما يتفق مع 

القول المأثور اطبخى ياجارية .. كلف ياسيدى

ــــــــــــــــــــــــــــــــــــــــــــــ
السؤال الرابع الخط

كوز المحبة انخرم..طرطش على كمى.

.ياحبيبى بطل جفا وارحم عذاب امى


اكتب الجملة السابقة ثلاث مرات بثلاث خطوط

.. موبينيل وفودافون واتصالات.

.كما يمكن التحويل من خط لخط بنفس الرقم

.. فقط اتصل بخدمة العملاء

12 التعليقات:

غير معرف يقول...

هههههههه

خط موبينيل
هط فوافون
خط اتصالات
خط الخط خليفة الخط

ليلى الصباحى.. lolocat يقول...

ياخرب بيت شيطانك هههههههههههههه

مش ممكن خفة الظل والدم دى
والله كنت هموت من الضحك

اضحك الله سنك واسعدك

يارب بالنجاح ان شاء الله لك ولكل الاصدقاء اللى بيدرسوا لسه

الحمد لله الذى عافانا :)

تحياتى لك
دمت بكل سعادة وفرح وابتسام

Unknown يقول...

الله يكرمك على الابتسامة
وكم ذا بمصر من المضحكات ولكنه ضحك كالبكا
بالمناسبةدي اقولك موقف حقيقي لواحد صاحبي من لسناهرة كان في زيارة لجامعة اسكندرية معرفش اي اللي خلاه يشد مع واحد هناك قام الواحد ده بيخوفه بيقوله ( انت عارف انا منين انا م السنافرة ) - زمان بقى قبل ما تبقى عاصمة التدين -صاحبي قاله اسمها السناهرة وانا منها

شمس النهار يقول...

هو كله اجباري مافيش اختياري

:)))))

ضحكتني بجد والواحد مش علي قلبه ضحك

Unknown يقول...

السلام عليكم

جميلة جدا .... وضحكتني بجد..

شكرا على شوية الضحك دول قبل النوم..

فعلا مدفعجي.. كلامك بوبم..

معذرة على الدخول متأخر جدا للمدونة المميزة دي..

إن شاء الله هتكون في المفضلة عندي..

تحياتي أخي الكريم.

ليلى الصباحى.. lolocat يقول...

السلام عليكم ورحمة الله

اخى الكريم اعتذر للسهو الغير مقصود

لكن هذا لا يمنع ايضا ان اكرر اعجابى بامتحاناتك هنا :)

دمت بكل خير وسعادة

المصوراتي يقول...

هم يبكي و هم يضحك

ههههههههههههههههههههههههههههه

مش عارف اوقف ضحك

اسعد الله عمرك

ادخلتي علي البسمه كنت ابحث عنها بين الاحداث و لم اكن اعلم انها هنا في السناهرة

غير معرف يقول...

جامده جدا بس ياترى الامتحان دا متسرب ولا ايه النظام

Haytham Alsayes يقول...

هههههههههههههههههههههههههههههههههههه
لا مش ممكن
روح ياشيخ وتعالي بسرعة
هههههههههههههه

جامدة جدا

تحياتي ياعمدة السناهرة
معلش انا مقصر معاك

ويكا يقول...

ههههههههههههههه

جامده موت

زهرة(جنى)الاسلام يقول...

السلام عليكم
يا استاذ يا استاذ ممكن اجاوب
الصفحة الاولى الحزب الوطنى اضمن مستقبلك
الصفحة التانية مستقبلك بين بنوك سويسرا
يا استاذ فى غش فى اللجنة
دة حتى ورقتى بيضة كل اللى كتبتة
ماشربتش من نيلها
لا شربت من مجاريها
طب جربت تغنيلها
لا جربت اخرس فيها
وخلص الامتحان وشكرا

ّابن مصر يقول...

الامتحان دا صعب اوى يمدفعجى ممكن اسئله اسهل من كدا شويه
و
ياريت تكون اوبن بوك عشان انا راجل مشغول دلوقتى مش فاضى نذاكر يعم

إرسال تعليق