الاثنين، 6 ديسمبر 2010

نائر ونئير أمام لجنة من لجان الانتخابات









نائر : نئير انت جاى تنتخب ولا ايه ؟ وجاى تدى لمين ؟


نئير : ايوه طبعاً بمارس حقوقى الدستورية والقانونية  وبساعد فى نهضة بلدى .. وجاى أدى صوتى  للحزب الوطنى .. عشان مستقبلى ومستقبل ولادى .


نائر : بجد والله , انت مسمعتش عن عمليات التزوير اللى كانت فى كل اللجان الانتخابية فى مصر كلها .. من اسكندرية لأسوان .. دى صناديق الأصوات كانت بتخش مليانه يا راجل .


نئير : مين قال كده .. الانتخابات كانت نزيهة جدا ومحصلش تزوير خالص أمين التنظيم أحمد عز أكد على الكلام اللى أنا بقوله ده فى القناة الأولى ..



نائر : أه قولتلى القناة الأولى . دية قناة للحكومة  .. الدنيا كلها بتقول الإنتخابات اتزورت كل الجرايد العالمية وجرايد المعارضة المحلية والقنوات الاخبارية بردو .. الحزب بس اللى بيقول ان الانتخابات كانت نزيهة والدنيا كانت زى الفل


نئير :انت بتقول كده عشان انت من الاخوان .. ومدايق ان مفيش ولا واحد من عندكو دخل المجلس السنه دى ..

نائر : طب ده بالذات أكبر دليل على ان الإنتخابات اتزورت 

نئير : إزاى يعنى ؟

نائر : حقوللك .. الاخوان فى انتخابات 2005 أخدوا 88 مقعد فى المجلس مع انه حصل تزوير بردو فى الإعادة .. والسنه دى الإخوان نازلين الانتخابات على 130 مقعد وماأخدوش ولا مقعد .. شئ منطقى ان حصل تزوير

نائر : بس الإخوان انسحبوا وأعلنوا كده فى مؤتمر قالوا فيه ان الاخوان حققوا هدفهم من فضح النظام فى الدورة الأولى والتزوير قائم فمجلس الشعب ده فاقد للشرعية .. فقرروا الانسحاب




ايه اللى عمله حسنى مبارك عشان يتشتم






مين اللى سرق مصر






اضحك مع حسنى مبارك




2 التعليقات:

زهرة(جنى)الاسلام يقول...

السلام عليكم
اولا قصة رائعة
ثانيا
القناة الاولة
ينطبق عليها الحياة بقى لونها بمبى ووردى لايوجد اى تزوير
قناة رايقة وفايقة

المدفعجي يقول...

موضوع جااااااااااامد ومبذول فيه جهد كبير

إرسال تعليق