الخميس، 11 نوفمبر 2010

الإخوان عايزين الحكم




نائر: ييييييه هما ماوراهمش غير كده .. أنا مبحبش اللى بياخد الدين ستار ووسيلة عشان يوصل للسلطة والحكم.


نئير: هما فعلا عايزين يوصلو للحكم بس مش زى ما انت فاهم .. هما عايزين الدين اللى يحكم والقرآن يكون أساس التشريع فى كل صغيرة وكبيرة .. بدل الدستور اللى موجود ده اللى معظمه مستمد من الدستور الفرنسى



نئير: والإخوان كانوا قبل كده اتقدمو للحكومة اللى هما الحزب الوطنى يعنى .. بمشروع إصلاحى كامل متكامل مستمد من الدين الإسلامى فيه نعمل ايه بالظبط فى كل الوزارات عشان نصلح حال البلد دى .



نئير: لكن طبعاً عشان شلة الأنس اللى على الكراسى فوق مش عايزين البلد تتصلح .. ولا الناس ترجع تعيش حياة كريمة .. ولا الناس تفهم ولا تتعلم .. ولا اى حاجه فى اى حاجه .. فالمشروع اترفض .

 
نائر: والإخوان يعنى اللى حيصلحوا البلد !! .. بقالهم تمانين سنة ولا شفنا أى تغيير



نائر: ده غير اللى بنسمعه عنهم من إنشقاقات داخلية وكلام من ده كل شويه فى الجرايد.



نائر: يا عمى .. انا فعلا شايف إن الإخوان لو مسكوا البلد مش حيعملوا حاجه يعنى لا حيقدموا ولا حيأخرو .. ده ناهيك عن الإضطرابات الداخلية اللى فى مصر والمشاكل اللى مع الحكومة اللى هما السبب فيها ومسمعه فى كل الصحف والجرايد اللى بره .


نئير: أيوه طبعاً .. الإخوان فى ايديهم أنهم يصلحوا البلد انا مش بقصد انهم أشخاص جبارين أو فوق العادة .. بس السكة اللى ماشيين فيها هيا السكة بتاعت ربنا .. الطريق الصح .. بفهم الدين صح وتطبيقه صح .. فعشان كده ربنا حينصرهم .. وكمان عمر الامم ما كنت تقاس بأعمار الأفراد..



نئير: أما بالنسبة للإنشقاقات اللى انت بتتكلم عليها دى .. دى بتبقا ناس سابت الاخوان أصلا .. أو مجرد اختلاف وجهات نظر لناس من الإخوان وده شئ طبيعى جدا ومطلوب ... والجرايد بتكبرها قوى وتسميها انشقاقات


نئير: وانت عاجبك حال الحكومة قوى .. ولا سمعة الحكومة اللى هيا سابقاها أصلاً هيا اللى خاربة مصر .. وهيا عارفه كده كويس والناس اللى بره عارفين كده كويس بردو .. فا أصبح شئ طبيعى ومش جديد .. ومن واجبنا كلنا ان احنا نتصدى ليها .. ونكون ايجابيين ونشارك فى كل حاجه تخدم بلدنا .. منفضلش قاعدين نتفرجو عليها وهيا زى المركب اللى بتغرق..



نائر: ماشى ماشى يا عم المناضل .. اشرب الشاى اشرب .


المؤمن بالله (أبن مصر)

2 التعليقات:

الــحــــنـــــــــــــــــــين يقول...

الاخوان على فكره بيتصرفوا لوجه الله مش من اجل منصب او جاه ولكن ابتغاء مرضاة الله بس بس الدولة للاسف مش عايزه الاسلام وانا بقول ان الاسلام هو الحل

زهرة(جنى)الاسلام يقول...

السلام عليكم
قصة واقعية جداااااااااااااا
جزاك الله خييرا فعلا بنقابل كتييييييييير بيقول نفس الكلام اللى بيقولة نئير

إرسال تعليق